ഈ യാത്ര അങ്ങോട്ടാണ്*

 

🖋️അലാഉദ്ദീൻ മമ്പാട്

-----------------------------------------

അവരെന്റെ ഭാര്യയെ കൂട്ടമായി

ബലാൽസംഗം ചെയ്യുകയായിരുന്നു

ഞാനവർക്ക് നേരെ

കല്ലെറിഞ്ഞാലോ എന്നാലോചിച്ചു

പിറ്റേന്നാൾ അവരെന്നെ ജയിലിലടച്ചു ! 

അവരെന്റെ മകളെ തട്ടിക്കൊണ്ടു പോവാനൊരുങ്ങുകയായിരുന്നു 

ഞാനരുതെന്ന് കരഞ്ഞു

പിറ്റേന്നാൾ,

അവരെന്നെ തുറങ്കലിലടച്ചു !

അവരെന്റെ വീടിന് 

വെറുപ്പിന്റെ തീയിട്ടു

ഞാൻ വെള്ളമൊഴിച്ച് കെടുത്താൻ ശ്രമിച്ചു

പിറ്റേന്നാൾ അവരെനിക്ക് 

ജീവപര്യന്തം വിധിച്ചു !

ദൈവം തന്ന ഈ വായ 

അധികപ്പെറ്റാണെന്ന് ഇന്നാണ് മനസ്സിലായത്

ഈയാത്ര അത് തുന്നി കെട്ടാനാണ്...

എങ്കിൽ, രാജ്യസ്നേഹം മുൻനിർത്തി/ 

ജാമ്യം നൽകാമെന്ന് അവരെനിക്ക് 

വാക്ക് തന്നിട്ടുണ്ട്/